Posted By Posted On

Zahera awapa Simba taji mapema

NA ZAINAB IDDY

BAADA ya Gwambina kufungwa mabao 3-0 na Simba  katika mchezo wa Ligi Kuu Tanzania Bara uliochezwa juzi kwenye Uwanja wa Mkapa, jijini Dar es Salaam,  Mkurugenzi  wa timu hiyo,  Mwinyi Zahera,  amesema Wekundu wa Msimbazi  walikuwa ubora  zaidi yao.

Akizungumza na BINGWA Dar es Salaam jana, Zahera alisema kikosi cha msimu huu  cha Simba ni bora kuliko  msimu uliopita na kinaweza kutwaa taji la nne mfululizo.

Zahera alisema tangu afanye kazi katika mpira wa Tanzania,  msimu huu amekiona kikosi cha Simba kwenye kiwango bora zaidi.

“Kwa timu za Ligi Kuu hakuna iliyobora msimu huu zaidi ya Simba na kwa mashindano ya ndani wanaweza kutetea ubingwa msimu huu.

Kwa maana hii, kitaifa Simba haina mpinzani  lakini kimataifa wanatakiwa kujipanga upya kwa mwakani na  sio mwaka huu,” alisema Zahera.

Simba wamefanikiwa kushinda michezo mitatu, huku wakitoka sare moja, tangu ligi hiyo ilipoanza Septemba 7, mwaka huu.

,

Comments (0)

Leave a Reply

Your email address will not be published. Required fields are marked *