Posted By Posted On

Ulimboka ataka pointi tatu nyumbani

NAVICTORIA GODFREY

KOCHA timu ya  Pamba, Ulimboka Mwakingwe, amesema wamejipanga kuibuka na ushindi dhidi ya Singida United katika mchezo wa Ligi Daraja la Kwanza Tanzania Bara, utakaochezwa Jumamosi kwenye Uwanja wa Nyamagana, jijini Mwanza.

Pamba  walianza  ligi hiyo kwa ushindi wa mabao 2-1 dhidi ya Arusha FC katika mchezo uliopita uliochezwa kwenye uwanja huo.

Akizungumza na BINGWA kwa simu kutoka mkoani Mwanza juzi, Mwakingwe alisema wataende;ea kupata ushindi dhidi ya Arusha FC.

Mwakingwe alisema malengo yao ni kuhakikisha wanarejea Ligi Kuu Tanzania Bara msimu ujao, baada ya kushuka daraja kutokana na kufanya vibaya.

“Pamoja na ushindi tulikuwa tumepanga tufunge mabao zaidi ya hayo tuliyopata , lakini tunamshukuru Mungu vijana wamefanya yale niliyowaelekeza na sasa tunahitaji  kutimiza  malengo yetu ya kuutumia uwanja wa nyumbani kupata matokeo,” alisema Mwakingwe.

Amewaomba mashabiki kujitokeza kwa wingi kuwasapoti kwa moyo  ili waweze kufanya vizuri na baadaye kutimiza malengo yao.

,

Comments (0)

Leave a Reply

Your email address will not be published. Required fields are marked *