SPORTS NEWS

NA ZAINAB IDDY

KIPA wa Polisi Tanzania, Manyika Peter  ‘Manyika Jr’,   amesema anapambana kuhakikisha anakuwa katika kiwango bora ili aweze kurejea Taifa Stars.

Mayika Jr  aliwahi kuidakiwa timu ya Simba msimu wa 2014/15 na  mara ya mwisho  kuitwa Taifa Stars ilikuwa  mwaka 2017  ilipocheza na Malawi.

Akizungumza na BINGWA jijini Dar es Salaam, Manyika Jr  kwa kipindi cha miaka mitatu sasa hayupo katika kikosi cha  Stars jambo ambalo  linalomkosesha raha.

“Mimi kama Mtanzania nina wajibu kwenye timu yangu ya Taifa  ili nipate nafasi ya kucheza natakiwa niwe bora wakati wote  na kumshawishi kocha wa Stars kuniita.

 “Kwa sasa nafanya mazoezi ya timu na binafsi na ninawashirikisha watu mbalimbali walionitangulia katika soka kwa lengo la kupata ujuzi mwingi zaidi,” alisema Manyika Jr.

,